Amir Rrahmani u detyrua të dilte nga fusha pas 13 minutash lojë ndaj Bragës. Mbrojtësi kosovar në fakt pësoi një lëndim të shkallës së ulët në muskulin gjysmëmembranoz të kofshës së majtë.
Kampionët e Italisë kanë dalë me një njoftim për gjendjen e mbrojtësit: “Rrahmani iu nënshtrua testeve instrumentale të cilat evidentuan një dëmtim të shkallës së ulët të muskulit gjysmëmembranoz të kofshës së majtë. Mbrojtësi ka nisur procesin e rehabilitimit”.
Rrahmani pritet të mungojë për rreth një muaj. Rikthimi i tij mendohet të ndodhë pas pauzës, për shkak të ndeshjeve të kombëtareve (në mes të tetorit). Rudi Garcia humbet një nga qendërmbrojtësit e tij titullarë për disa ndeshje, ku mes tyre dhe duelin e Championsit ndaj Real Madrid.
