Daniele Bedini është i akuzuar për vrasjen e shqiptares Nevila Pjetri në Itali dhe për këtë ka një video. Bëhet fjalë për një kamera sigurie me mikrofon, e cila ndodhej poshtë një biznesi, që duket se e ka kapur pas mesnate 32-vjeçarin, natën mes të shtunës dhe të dielës, orar që përputhet me kohën e vrasjes, teksa kalonte me një Fiorino (kamionçinë) të bardhë.
”Corriere della Sera” citon hetuesit italianë, dhe thotë se pamjet janë tronditëse. Bëhet fjalë për një ekzekutim të mirëfilltë. Bedini e detyron shqiptaren të ulej në gjunjë dhe më pas e vrau me pistoletë.
32-vjeçari dyshohet se brenda atyre 24 orëve vrau edhe transin Camilla Bertolotti, trupi i së cilës u gjet 24 orë më vonë. Videoja në fjalë, shkruajnë mediat italiane, është në dorë të hetuesve, së bashku me pamjet e kamerave të sigurisë nga shtëpia e Bedinit.
