Mbetet ende mister fakti se çfarë është bërë me shefin e anti-Drogës së Ulqinit, Rudolf Elezoviç. Mediat serbe shkruajnë se ai u arratis në Shqipëri me dokumente të rreme, nga ku mund të jetë larguar drejt SHBA-së. Mendohet se ai është arratisur përmes rrugëve të paligjshme. Po ashtu, ai dyshohet se kishte kërkuar ndihmë nga anëtarët e organizatës kriminale në Shqipëri, të cilët i kanë siguruar dokumente të rreme për t’u arratisur.
