Pas Qytetit Studenti dhe hoteleve në Durrës, qytetarët afganë janë strehuar dhe në qytetin e Lezhës.
Ata kanë mbërritur pas mesnate dhe janë akomoduar në një resort në zonën e Shëngjinit.
Autoritetet kanë vendosur në dispozicion një staf mjekësor për problemet që mund të kenë si dhe për testimin ndaj koronavirusit.
Ambjentet ku janë akomoduar ruhet nga forcat e policisë. Kujtojmë që në orët e para të mëngjesit të sotëm në vendin tonë mbërriti një grup tjetër me 150 qytetarë afganë.
Ky është grupi i gjashtë i afganëve në vend, ku në total Shqipëria ka strehuar 607 qytetarë të cilët janë larguar nga vendi i tyre.
