23-vjeçari Azem Hajdari, në krah të shtatores së babait të tij në ”Qyteti Studenti”, u shpreh i vendosur që të ndjekë hapat e tij, që të jetë aktiv në jetën politike.
“E shikoj si një mision jete jo vetëm për të bërë krenar babain tim, por edhe për tu dhënë njerëzve më të mirën për ta”.
Ai mendon se Shqipëria ka nevojë për përmirësim, pasi ende nuk është vendi që babi i tij dëshironte të bëhej. Sot ai ishte pjesë e homazheve që Sali Berisha i mbështetur nga rinia dhe pjesëtarët e grupimit ”Dhjetor 90” zhvilluan në Ditën e Rinisë te shtatorja e Azem Hajdarit.
