1.75 milionë dollarë do të jetë dëmshpërblimi që një burrë amerikan do të marrë nga shteti i Miçiganit, pasi kaloi 35 vite në burg sepse u dënua gabimisht për sulm seksual ndaj një të miture.
Lewis Wright, (sot 65 vjeç) u lirua nga burgu në nëntor pasi autoritetet provuan nëpërmjet testeve të ADN-së se nuk ishte ai autori i sulmit të vitit 1988 ndaj një vajze 11-vjeçare në Albion, një qytet i vogël në Miçiganin jugperëndimor.
Wright tha se ai ka të ngjarë të përdorë disa nga paratë për të blerë një shtëpi dhe një automjet për një nga motrat e tij. Siç theksoi avokati, “asgjë nuk mund të kompensojë 35 vjet burg për diçka që ai nuk e ka bërë”.
