Problemet me frymëmarrjen po frikësojnë jashtë mase klubet dhe tifozët. Sikur të mos mjaftonte rasti i Cristian Eriksen, i cili ra përtokë për shkak të një arresti kardiak, apo dhe rasti i Sergio Agueros që dje i dha lamtumirën futbollit të luajtur për shkak të probleme me zemrën.
Një realitet i hidhur ky që po shikojmë kohët e fundit me futbollistë që po shfaqin probleme të vazhdueshme me frymëmarrjen gjatë zhvillimit të lojës. Në vetëm 1 javë 3 raste të tilla që po detyrojnë lojtarët të lënë fushën e lojës të shqetësuar.
I fundit është rasti i sulmuesit të Rennes i cili nga një problem i tillë u detyrua të linte fushën e blertë, situatë që ka shqetësuar jashtë mase të gjithë. Para ca ditësh edhe mbrojtësi i Manchester United, Lindelof dhe po dhe Zielinski i Napolit.