Rama pret ish-Presdentin François Hallande: Nderin t’i akordoja medaljen e artë të “Mirënjohjes Publike” (FOTO)

Kryeministri Edi Rama ka ndarë disa foto nga takimi i tij me ish-presidentin francez, François Hollande, gjatë vizitës së këtij të fundit në Shqipëri.

“Kënaqësi dhe privilegj të mirëprisja Presidentin e Francës, François Hollande.
Në shenjë mirënjohjeje për miqësinë, mbështetjen dhe kontributin e tij në forcimin e marrëdhënieve mes Shqipërisë dhe Francës, pata nderin t’i akordoj Medaljen e Artë të Mirënjohjes Publike.
Vlerësim edhe për mbështetjen e tij të vazhdueshme në promovimin e Shqipërisë në arenën ndërkombëtare, për inkurajimin e rrugëtimit tonë europian dhe për besimin se vendi ynë ka një rol gjithnjë e më të rëndësishëm në një Evropë të bashkuar”, ka shkruar Rama në një postim në rrjetet sociale, ku ka ndarë edhe pamje nga ky takim.