Kjo është java e studentëve për të marrë vaksinën anti-covid. Interesimi pranë stendave të vendosura në fakultetet e Tiranës është mjaft i ulët. Ekipet e vaksinatorëve filluan punë këtë të martë teksa studentët e vaksinuar numërohen me gishtat e dorës.
Ndonëse një pjesë e kanë marrë një dozë të vaksinës në prag të nisjes së vitit të ri akademik, përqindja e tyre mbetet më pak se 20%. Disa prej studentëve heqin dorë nga arsimimi dhe nuk pranojnë kushtin e vaksinimit me detyrim për të qenë në auditorë.
Në dispozicion të studentëve janë ofruar vaksinat AstraZeneca dhe Coronavac, por sipas mjekëve preferenca është e ndryshme. Mësimi online nuk do të jetë një alternativë për të ndjekur arsimin e lartë.
