72-vjeçari: Autori më goditi dhe më mori lekët e pensionit

Një ngjarje e rëndë është ajo e dhunimit dhe e grabitsjes të 72-vjeçarit në Dlevinë. Kosta Shapo, u grabit dhe u dhunua në orët e para të mëngjesit në banesën e tij në fshatin Muzinë të Bashkisë Finiq.

Ai jeton i vetëm në banesë, dhe nga goditja ai ka marrë dëmtime në kokë dhe pjesë të tjera. Shapo thotë se autori nuk i tha asnjë fjalë por i bëri me shenjë që t’i jepte lekët.

”Ishte ora 3 pas mesnatës. Hapa portën e jashtme, edhe ai ishte në rrëzë të portës, më vuri dorën në gojë dhe ai nuk foli, por ma bënte me shenjë. Vajta në dhomën e gjumit. Nuk foli. Kisha 150 mijë lekë nga pensioni që kurseja pak nga pak, ia dhashë vetë se po mos ja jepja do të më vriste”,-tha i moshuari.

72-vjeçari invalid, thotë se dorëzoi kursimet e tij për ti shpëtuar më te keqes, por i trembet rrezikut se grabitësi do ti rikthehet përsëri.

”Por që do më vinë prapë, do më vijnë. Do marrin vesh kur unë marr lekët, ata atë punë ruajnë. Ndërsa i moshuari po merr ndihmën mjekësore dhe ndodhet jashtë rrezikut për jetën, policia e Sarandës krye veprimet hetimore në banesën e tij në Muzinë për të identifikuar dhe arrestuar autorin”,-thotë i moshuari.