A është Basha lideri i duhur për Partinë Demokratike? Ja si përgjigjet Arben Ristani

Ish deputeti i Partisë Demoratike, Arben Ristani i ftuar në emisioni ‘Ditë e Re’ është shprehur me besim të plotë se Lulzim Basha është lideri i duhur për PD-në.

Ristani shprehet se Basha ka punuar në një situatë të vështirë të vendit dhe ka fituar beteja të rëndësishme.

“Së pari është i zgjedhur me votë nga demokratët në atë organizatë ku ai militon dhe drejton, është zgjedhur në mënyrë demokratike brenda organizatës dhe përsa më përket mua është 100 % lideri i duhur për Partinë Demokratike.

Ky është mendimi im personal pastaj më gjerë e gjykon publiku. Ka fituar beteja të rëndësishme siç kanë qenë ato të  dekriminalizimit. Vërtet ka punuar në një situatë të vështirë të vendit.”