Aleanca për Teatrin çon peticionin në Sarandë dhe Gjirokastër

Aleanca për Mbrojtjen e Teatrit ka zbritur këtë të enjte në jug të vendit, përkatësisht në Gjirokastër dhe Sarandë për të firmosur peticionin për ndërtimin sërish të teatrit kombëtar aty ku ishte dhe ashtu siç ishte. Mbrojtësit e kësaj kauze artistët Edmond dhe Robert Budina, Adriana Tolka, Neritan Licaj si dhe aktivistë të kësaj lëvizje, janë ndalur në qytetin e Gjirokastrës para godinës së Teatrit “Zihni Sako” për të mbledhur firmat për peticionin.