Erion Braçe ironizon rihapjen e basteve: Nga “fundi i marrëzisë” te “marrëzia” pa fund!

Deputeti i PS-së, Erion Braçe, në një postim në Twitter ka reaguar lidhur me diskutimet që ka nisur Kryeministri Edi Rama për rihapjen e basteve sportive.

Braçe shprehet se po kalojmë nga nga “Fundi i Marrëzisë” te “Marrëzia pa Fund”, duke ironizuar me emrin e aksionit të 2018-ës, që mbylli përfundimisht pikat e basteve në vend.

“NGA “FUNDI I MARREZISE” TEK “MARREZIA PA FUND”; të njëjtët njerëz- te njëjtët udhëheqës, te njëjtët vendimmarrës; Por edhe te njëjtët palaço qe kane marre peng sportin, flasin ne emër te sportit dhe përdorin sportin për BASTET E TYRE!”, shkruan Braçe në Twitter.