Deputeti Dashnor Sula: Cilësia e puros që përdorin deputetët në kafenenë e parlamentit është 300 euro

Të enjten në foltoren e parlamentit deputeti Dashnor Sula deklaroi që në kafenenë e parlamentit konsumohej puro me hashash, deklaratë që u kalua me debat dhe u kundërshtua nga disa deputetë të tjerë të parlamentit.

Në një intervistë mediatike deputeti i PD-së, Sula, sqaron si qëndron e vërteta e asaj deklarate.

Ai shprehet që puro ka një aromë të fortë dhe aty pihet në cilësi të ndryshme nga 10€ deri në 300€.

“Pirja e puros ka një aromë të tmerrshme, të fortë sepse varet nga lloji i puros. Aty ka deputetë që janë me pagën e vet por edhe deputetë dhe ministra që kanë përfitime të mëdha. Kështu që dhe cilësia e puros është nga 10€ deri në 300€ një puro. Fakti është që në ambientet e parlamentit shkelet ligji, pihet duhan dhe puro.”

E para nga kjo deklaratë e fortë e deputetit del pyetja se si lejohet pirja e duhanit në mjedise të mbyllura, ndërkohë që njerëzit e thjeshtë nuk lejohen ose gjobiten në shuma të mëdha gjobe.

E dyta, fakti që pijnë hashash është tjetër shkelje ligjore, por edhe etike politike, pasi në media apo takime politike ata u bëjnë thirrje qytetarëve të mos pijnë hashash. Dhe për vete pijnë!