Dashuria e pamundur, zbardhet motivi i atentatit në Divjakë

Pamundësia për të qenë me vajzën që dashuronte ka shtyrë një të ri nga fshati Babunjë i Divjakës të ndërmarrë një veprim që mund ti kishte marrë jetën asaj. Bajram Krasniqi, 22-vjeç, u arrestua pasi qëlloi me pushkë gjysmëautomatike në drejtim të një vajze 14-vjeçe pasditen e kësaj të enjteje. Nga të shtënat nuk pati të lënduar.

Burime thanë se Krasniqi kishte një pëlqim për vajzën, të cilën e ngacmonte prej kohësh. Por, së fundmi, kishte mësuar se prindërit kishin vendosur ta fejonin 14-vjeçaren me dikë tjetër. Ka qenë kjo e fundit që i ka komunikuar vendimin 22-vjeçarit, duke i kërkuar mos ta ngacmonte më.

Pas kësaj, ai i zuri pritë adoleshentes këtë të enjte me një armë në dorë dhe sipas burimeve policore, e shkrepi në drejtim të saj.

Vajzën fatmirësisht nuk e kapi asnjë plumb. Në vendngjarje, efektivët e policisë gjetën 3 gëzhoja, që u sekuestruan në cilësinë e provës materiale. Efektivët e policisë arritën të arrestonin në një kohë të shkurtër Krasniqin. Ai akuzohet për vrasje dhe armëmbajtje pa aleje.