Deputeti i PD: Rama mburret me ato që kanë arritur të tjerët më parë

Deputeti i PD-së, Tritan Shehu ka komentuar sot deklaratat e kryeministrit Edi Rama për investimet në sektorin e shëndetësisë. Në një reagim në Facebook, Shehu shprehet se Rama prezantoi sot si arritje kryerjen e operacioneve në Korçë, ndërsa shton operacione janë kryer rregullisht në këtë spital shumë kohë më parë.

Postimi i plotë i Tritan Shehut në Facebook:

“PER TE QESHUR EDHE PER TE QARE!!!

Z.Rama deklaron sikur sot u shkua ne Mars (ne Hene ka kohe qe eshte arritur)!

Ai po brohoret per faktin se aktualisht ne Korce po operohet, pas disa vitesh pauze, nje strume e gjendres tiroide nga koleget e mi te shquar, kirurgu Celiku e anestezisti Ohri.

Une dua ta informoj Z.Rama qe ne Korce e ne te gjithe vendin, nderhyrjet kirurgjikale te tiroides e shume te tjera, jane kryer prej shume e shume vite me pare.

Nqs ato e shumica e games kirurgjikale, nuk realizohen me ne Korce apo ne shumicen e spitaleve te tjere te Shqiperise ne kete periudhe te fundit,  kjo nuk vjen nga pa aftesia e kirurgeve apo reanimatoreve lokale, por nga mungesa fizike e tyre (mjeku tashme eshte nje specie ne zhdukje), si dhe nga mangesite objektive.

Vajtja nga Tirana e drejtuesve te sherbimeve kombetare aty e realizimi i nje apo disa nderhyrjeve te tilla, nuk zgjidh problemin thelbesor, Varferine Afrikane te sistemit tone shendetesor , numrin katastrofik te ulet te mjekeve ne pergjithesi e specialisteve ne vecanti, mungesen e mundesive reale per zhvillim.

Po me tej, me kthimin e kolegeve ne Tirane, ku drejtojne sherbimet universitare, cdo te ndodhe ne Korce e kudo?!

Detyra e Kryeministrit te nje vendi europian nuk eshte te brohorase realizimin sporadik te dickaje rutine per kirurgjine (sikur te ishim ne mes te Sahares), por te prezantoje e implementoje strategji e politika te qarta financiare, menaxheriale e zhvilluese, gje qe asnje here nuk e ka bere.

Dhe kjo mundesisht mbasi te sqaroje opinionin se pse shendetesia jone eshte katandisur ne kete gjendje tragjike dhe se ne cfare skute  mund ta gjejme te strukur “Shendetesine Falas” tashme”.