Drejtori i Policisë, Gledis Nano, vizitë ngushëllimi në familjen e 7-vjeçares Jonada Avdia

Drejtori i Përgjithshëm i Policisë së Shtetit, Gledis Nano, ka shkuar paraditen e sotme për një vizitë ngushëllimi në familjen e 7-vjeçares Jonada Avdia, e cila u vra tragjikisht nga një skaf në plazhin e Potamit në Himarë, dy ditë më parë.

“Kam ardhur për t’i shprehur familjes Avdia me shumë hidhërim ngushëllimet e mia për humbjen tragjike të fëmijës.

Kam ardhur si prind dhe qytetar dhe falënderoj familjen Avdia që i mirëpriti ngushëllimet e mia.

I mirëkuptoj dhe i falënderoj që ngjyrime të caktuara i kanë lënë mënjanë dhe janë duke vuajtur të gjithë atë që ndodhi“, tha për mediat kryepolici Nano.