Dy standarde të kundërta! Rama rikthen Bushatin në Kryesi, kurse Basha përjashton Berishën

Disa analistë sulmojnë Edi Ramën për arrogant dhe autokrat. Shumë syresh e quajnë edhe “diktator”. Por duke parë zhvillimet e fundit politike në PS dhe PD, shikohet fare hapur se Edi Rama ka qenë më i kujdesshëm në raport me zërat kundër në parti. Edi Rama riktheu në Kryesinë e PS, ish-ministrin e jashtëm Ditmir Bushati që doli kundër tij për çështjen e Kosovës. Ndonëse autoriteti i Ramës mbetet shumë më lart se sa ai i Lulzim Bashës, prapë ishte Basha që nuk respektoi asnjë histori apo statut në PD, por thjesht për të ruajtur interesat e tij, përjashtoi ish-liderin historik.

Në këtë rast mund të thuhet se Berisha duhej të kishte ikur që në vitin 2013 nga politika, por mbetet zgjedhja e tij. Nga ana tjetër Rama me një xhentilesë franceze e përdori ish-liderin e PS-së, Fatos Nano. Ai mbajti edhe kundërshtarë në PS, përjashtuar Koço Kokëdhimën që i deshi të gjitha kur Rama kishte akoma çelësin e dyqanit.

Edi Rama nuk mund të quhet lider liberal, por ama lider mbetet. Kurse Basha nuk bëhet lider. Ai mund të mbajë vulën e PD, por vula do vota dhe votat nuk i ka më. Ndërsa Rama ka këshilltarë dhe dëgjon, edhe kur nuk don të dëgjojë.

Në këtë sens Rama është më i kujdesshëm në raportet në PS, pavarësisht se bëhet ajo që ai do!

Ndërsa Basha nuk ngrihet dot në Lider. Dhe as nuk vjen në pushtet për 1 mijë vjet.