Flasin sociologët: Fotot e fëmijëve në rrjetet sociale, e rrezikshme (Video)

Të publikosh foton e një fëmije të mitur, pa miratimin e tij,  edhe kur ai që e publikon është njëri nga prindërit në të gjitha vendet e BE është e ndaluar. Jo më shumë se pak ditë më parë në italinë fqinje një rast i ngjashëm i publikimit të fotove të një të mituri nga nëna e tij shkaktoi fortunë jo vetëm në rrjetet sociale por edhe në drejtësinë italiane e cila e dënoi nënën  me një gjobë prej 10 mijë eurosh.

Në Shqipëri edhe pse një ligj i tillë mungon sociologët rekomandojnë që vetë prindërit të tregohen të kujdeshsmë të mos i ekspozojnë fëmijët e tyre në platformat online që mund të jenë një dritare nga ku mund të përfitojnë pedofilët.

Gëzim Tushi: Herë pas here kanë ndodhur abuzime me fëmijët pikërisht nga fotografitë e tyre, manjakë të krimit, të seksit, pedofilë të cilët janë të pranishëm në shoqërinë tonë si në çdo shoqëri tjetër. Janë të gatshëm të gjuajnë gjahun e tyre që janë fëmijët. Ne duhet të ndërmarrin disa masa me karakter ligjor, shtetëror aq sa është e mundur për ti vënë në një mbrojtje të institucionalizuar.

Vetë prindërit shumica prej të cilëve nuk e dinë ndoshta se në vendet e zhvilluar ekziston një kufi për publikimin e fotove në shumë raste përplasne n ëide të cilat shkojnë deri aty sa të shprehen jo të penduar që i ekspozojnë fëmijët kaq shpesh.

Në shume vende me demokraci të zhvilluar qeveritë dhe shoqëria civile kanë gjetur mekanizma se si të kenë në kontroll marëdhënien e fëmijëve me teknologjinë. Në Shqipëri mungon ende një ligj i tillë duke i lënë fëmijët të lirë të përfshihen në botën online.

/Ora News