Mbërritja e të ftohtit, Kukësi i pushtuar nga mjegulla

Prej dy ditësh qyteti i Kukësit është pushtuar nga një mjegull e dendur.

Kjo situatë ka kufizuar në mënyrë të ndjeshme shikueshmërinë e kalimtarëve si dhe të automjeteve.

Mjegulla sidomos në orët e hershme të mëgjesit ka mbuluar gjithë sipërfaqen e liqenit të Fierzës, por edhe ‘Rrugën e Kombit’.

Kjo nuk është hera e parë që qyteti i Kukësit mbulohet nga mjegulla e dendur, pasi kjo dukuri atmosferike është e shpeshtë në qytetin verilindor, kryesisht në periudhat e ftohta.