Mes pluhurit dhe baltës, kërkesa për një rrugë

Problemet për banorët e fshatit Ballagat në Lushnjë nuk kanë fund. Ata kërkojnë rrugë dhe nuk është e para herë që ata dalin dhe ankohen para kamerave.

Mungesa e infrastrukturës në zonë nuk vështirëson thjesht jetesën, por dhe mbijetesën. Rruga e paasfaltuar lidh 5 fshatra me qytetin e Lushnjës dhe Peqinit. 25 vitet e fundit është shtruar 4 herë me gurë dhe një herë me asfalti, por vetëm në 5 km e para.

Dy dekada më parë në këtë zonë banonin rreth 10 mijë banorë, por sot numri i tyre në zonën e Darsisë nuk shkon më shumë se 3500, nga të cilët 40 përqind jetojnë në emigracion.