Nuk janë fishekzjarre! Hamazi lëshon 150 raketa nga Gaza drejt Tel Avivit. Situatë dramatike në qytete

Gaza- Hakmerret sërish Hamaz. Një “breshëri” sulmesh me 150 raketa ndodhi të shtunën mbrëma nga Gaza në Tel Aviv.

Lajmin e ka bërë të ditur vetë Hamasi, ndërsa është shprehur se ishte një kundërpërgjigje ndaj raketës që shkatërroi më herët një kullë 11-katëshe në Rripin e Gazës. Videot e publikuara në rrjetet sociale tregojnë zhvillimet e tmerrshme mes Izraelit dhe Hamasit.

Militantët e Gazës kanë sulmuar me raketa Izraelin mëngjesin e së shtunës. Forcat e Mbrojtjes të Izraelit thanë se kanë shpallur gjendje gatishmërie për luftë në përgjigje të sulmit të befasishëm nga Gaza. Ushtria izraelite ka nisur të kryejë sulme hakmarrëse ajrore në Rripin e Gazës dhe ka paralajmëruar se Hamasi do të paguajë një çmim shumë të rëndë.