Përleshje, grushte e hekura, sherr i rëndë në Durrës

Një sherr i rëndë ka ndodhur mes dy personave në Durrës, e njëri ka përfunduar në spital.

Konflikti mes dy personave ka degjeneruar deri në përdorimin e sendeve të forta, e për pasojë njëri prej tyre ka përfunduar në spital.

Ngjarja ka ndodhur në Durrës të dielën në rrethana ende të paqarta.

Pas një konflikti, policia thotë se 43-vjeçari me inicialet G. H., ka goditur me sende të forta shtetasin 53-vjeçarin me inicialet A. D. banues të dy në Durrës.

Ky i fundit ndodhet në spital, nën kujdesin e mjekëve. Ndërkohë po punohet për zbulimin e rrethanave të ngjarjes.