Pezullohet drejtori i Fondit të Sigurimeve. Ja emri

Duket se një tjetër skandal ka përfshirë Fondin e Sigurimeve të Detyrueshme të Kujdesit Shëndetësor.

Për këtë arsye Gjykata e Tiranës ka pezulluar nga detyra drejtorin e këtij fondi, Erjon Manohasa. Ky i fundit akuzohet për “shpërdorim detyre”.

Burime nga prokuroria janë shprehur se Manohasa ka dhënë licencë një spitali për hemodializën, ndërsa në garë ka qenë edhe një tjetër spital.

Pikërisht përfaqësuesit e këtij spitali kanë bërë denoncim në polici dhe gjatë hetimeve është parë që drejtori Erjon Manohasa nuk ka zbatuar procedurat.

Ky i fundit është përfaqësues i PDIU-së në qeveri. Erjon Manohasa e ka marrë detyrën në tetor të 2016, duke zëvendësuar, Vjollca Brahon e cila është bërë zv/ministre.

/syri.net