Presidenti Meta: Albanologjia, rol kryesor në konsolidimin e kombit

Kreu i shtetit shqiptar, Ilir Meta zhvilloi sot një takim me akademikë dhe studiues të albanologjisë. Takimi u zhvillua në kuadër të aktivitetit “Ditët e Albanologjisë”.

“Të dashur miq, në kuadrin e “Ditëve të Albanologjisë”, sot pata kënaqësinë të takoja akademikë, studiues e albanologë, me të cilët ndava bindjen se Albanologjia ka rol thelbësor e të jashtëzakonshëm në lindjen, formimin e konsolidimin e shtetit e të kombit shqiptar, si një komb i lashtë evropian, me histori, gjuhë të rrallë, me tradita, vlera të spikatura e kontribute të vyera në historinë e Europës”,- shkruan kreu i shteti në një koment në Facebook.