Shembja e urës në Qafë Shtamë. Prokuroria nis hetimet

Prokuroria ka nisur hetimet për shembjen e urës që lidhte Qafshtamën me Krujën.

Ura është ndërtuar pak kohë më para dhe normalisht duhet të kishte përballuar përmbytjen, madje duhet të qëndronte për shumë vite për shkak se ishte e re.

Ura e shembur ndodhet në zonën e “Tre Krojeve”, kjo ka pasoja jo vetëm për izolimin e banorëve por edhe shpenzime për një urë që nuk i rezistoi një përmbytjeje të vetme.

Ura u shëmb për shkak të reshjeve të dendura të shiut dhe rrëshqitja e dheut. Kjo urë lidhte me Krujën 5 fshatra./ shqiptarja.com