Sulmi me raketa i Hamasit në Izrael, ministri i Jashtëm Hasani: Shqipëria e dënon ashpër

Sulmi me raketa i Hamasit në Izrael, ka shkaktuar reagimin e ministrit të Jashtëm Igli Hasani. Përmes rrjeteve sociale Hasani thotë se Shqipëria e dënon ashpër këtë sulm.

“Ne qëndrojmë të vendosur kundër terrorizmit, mendimet tona janë me gjithë Izraelin”, shprehet ministri Igli Hasani.

Më herët, Ministria për Evropën dhe Punët e Jashtme të Shqipërisë sqaroi se nga të dhënat e deritanishme nuk ka asnjë shtetas shqiptar të lënduar si pasojë e sulmeve të fundit atje.