Tmerr në Vlorë, dhunohet dhe mbahet peng taksisti

Një taksist është marrë peng dhe është dhunuar nga dy persona, të cilët i kishte marrë me taksi nga Durrësi për t’i çuar në Vlorë. Policia bën me dije se taksisti ka përjetuar orë tmerri në mjetin e tij, të cilin më pas dy personat janë kanë grabitur.

Njoftimi i policisë:

Më datë 23.12.2017, Salla Operative Vlorë është njoftuar nga shtetasi B.E, 48-vjeç, banues në Durrës, (shofer taksie), se kishte marrë pasagjer dy shtetas nga Durrësi për në Vlorë, të cilët në afërsi të Levan-Fier e kanë dhunuar fizikisht dhe e kanë futur në bagazh të mjetit.

Autorët e kanë zbritur dhe lenë në rrugë midis fshatrave të Kërkovës dhe Bunavisë, ku i kanë marrë mjetin tip Benz dhe janë larguar. Shtetasi B.E., ka marrë mjekimin e nevojshëm në Spitalin Rajonal Vlorë, dhe ndodhet jashtë rrezikut për jetën.

Prej mbrëmjes së djeshme janë organizuar shërbimet Policore dhe janë ngritur pika të shumta kontrolli me qëllim kapjen e autorëve. Për dokumentimin e plotë të ngjarjes po kryhen hetime të përbashkëta mes Drejtorisë së Policisë Vlorë, Fier dhe Durrës.

Gjithashtu po bashkëpunohet për kapjen e autorëve edhe me Policinë e Gjirokastrës, Delvinës dhe Sarandës. Për arsye hetimi nuk bëhen të ditur më tepër të dhëna. Grupi hetimor po punon për zbardhjen e plotë të rrethanave të ngjarjes