Tre shqiptarët e Eurovisionit, ”djegin” skenën (VIDEO)

Eugent Bushpepa ngriti në peshë skenën në Festivalin Europian e Këngës, teksa këndoi i 12. Me vokalin e tij të magjishëm, Bushpepa përfaqësoi denjësisht Shqipërinë.

Një performancë e jashtëzakonshme dha edhe shqiptarja Eleni Fureira, me flamurin e Qipros, “dogji” skenën e “Altice Arena” në Lisbonë. Këngëtarja realizoi një performancë fantastike, ku përveç vokalit të saj, ajo arriti edhe të realizoi një koreografi fantastike së bashku me disa balerina.

Menjëherë pas Elenit, në skenë u ngjit një tjetër shqiptar. Ai ishte Ermal Meta, i cili përfaqëson Italinë, me mesazhin më të fortë në këtë Eurosong, me thirrjet se: ”Nuk më keni bërë asgjë”, që ju drejtohet sulmeve terroriste.