Vëllai i ministrit Xhafaj paditi deputetët e PD, përgjigjet Alibeaj: Absurde si nuk e arrestuan

Pak minuta pas kallzimit penal të bërë në Prokurori nga vëllai i ministrit të Brendshëm, Fatmir Xhafaj, Agron Xhafaj për tre deputetët e PD, Ervin Salianji, Gazment Bardhi dhe Enkelejd Alibeaj, ka reaguar ky i fundit.

Në një lidhje telefonike me emisionin “Studio e Hapur” në News24, Alibeaj tha se është absurde që e kanë lënë ende të lirë.

“S’kemi bërë gjë tjetër, vetëm detyrën tonë si opozitarë për transparencë për publikun. Është detyrim jo vetëm i yni por i gjithë qytetarëve. Së dyti, Agron Xhfaj, i dënuar në Itali me vendim të formës së prerë, troket në derën e Prokorirusë, e Prokuroria nuk i vë prangat. Kjo është absurde. Nëse ka shkuar në Prokurori do duhej të arrestohej,” tha Alibeaj.