Për të treguar sesi e sheh opozitën sot, ish-presidenti Alfred Moisiu zgjodhi një anekdotë. ”Është si puna e asaj anekdotës që tregojnë për bariun për ujkun. I thoshte ujku, ujku dhe kënaqej kur ngrihej fshati, kur erdhi ujku me gjithë mend nuk u ngrit nga vendi fare”,-tha në ”Euronews Albania”.
Sipas Moisiut opozita i ka humbur vlerat. Për të të gjitha janë bërë lëmsh dhe tani nuk kuptohet çfarë është e drejtë dhe e padrejtë.
Nga ana tjetër, ai tregon edhe se mbështet ”Open Balkan” dhe se fjalimi i kryeministrit Edi Rama në asamblenë e Këshillit të Europës në Strasburg ishte me vlerë dhe duhet të bënte bashkë të gjithë shqiptarët.
Ish-presidenti sqaroi se vizitoi Thaçin në Hagë për t’i treguar botës lufta e Kosovës ka qenë e drejtë, nuk mund të quhet luftë terroriste.
