Teuta ka shkarkuar Renato Arapin nga detyra e trajnerit në këtë fillim sezoni. Në tre javët e para të edicionit 2022-2023 të Kategorisë Superiore skuadra e Durrësit ka marrë vetëm dy pikë dhe renditet në vend të nëntë me 1 pikë më shumë se Kukësi i vendit të fundit. Teuta e ka publikuar lajmin nëpërmjet një postimi në rrjetet sociale.
“Renato Arapi nuk do të jetë më trajner i Teutës. Klubi i Futbollit Teuta dhe trajneri Renato Arapi kanë shkëputur marrëveshjen. Falenderojmë trajnerin Renato Arapi për gjithçka ka bërë për ekipi tonë dhe i urojmë shumë suksese në të ardhmen”, shkruhet në postimin e “Djemve të Detit”.
