Në seancën maratonë në Kuvend, po diskutohet për projektligjin që prek studentët e mjekësisë.
Kryetari i grupit parlamentar të PD-së, Gazment Bardhi ka kërkuar të futen brenda studentët, pasi s’është njerëzore të qëndrojnë për aq kohë jashtë Parlamentit, madje kërkesa e tyre ka bazë në rregullore.
Kjo kërkesë është kundërshtuar nga kryeparlamentarja Lindita Nikolla, e cila i kërkoi që studentët të mos përdoret politikisht.
Bardhi: S’është njerëzore që studentet qëndrojnë 12 orë jashtë Kuvendit. Ndaj ju lutem lejojini ata 5 studentë të futen brenda. Bazë në rregullore e kemi, nuk kemi pse trembemi nga prania e të rinjve në seancë, jemi të detyruar.
Nikolla: Faleminderit për sfidën. Mos i përdorni studentët për qëllime politike.
Bardhi: Futi brenda.
Nikolla: Kanë qenë prezent në Komisione Parlamentare. Nuk do t’i mirëpresim.
