Berisha dhe Meta ndodhen në zyrat e partive të tyre. Militantët dhe protestuesit e parë kanë filluar të mblidhen te selitë respektive. Ndërkohë hyrja nga autostrada Durrës-Tiranë, aksi Fushëkrujë-Kamëz-Tiranë, aksi që vjen nga Elbasani janë krejtësisht të bllokuara ose edhe ndonjë kalim me makinë kontrollohet nga policia në mënyrë të rreptë.
Ndërkohë Berisha deklaron se është i vendosur për të hyrë me turma në Bulevardin kryesor dhe para kryeministrisë. Shpresa e madhe e Berishës mbetet te vijnë qytetarët e Tiranës ,pasi ardhja nga rrethet duket mision i pamundur sot.
Nga ana e tij kryeministri Rama ka urdhëruar që të mos lejohet as miza të kalojë pa lejen e policisë.
Ky Samit i BE në Tiranë është një vlerësim për qeverinë shqiptare, por me sa duket Berisha dhe Meta do t’ja prishin disi qetësinë sot Edi Ramës.
