17 ditë e humbur në pyll, si arriti të mbijetojë 35-vjeçarja

Amanda Eller ishte shpallur e humbur më shumë se 2 javë më parë, kur ishte futur në një pyll në Hauai së bashku me disa miq të saj.

Instruktorja e jogas u nda për një moment nga grupi dhe u zhduk pa gjurmë. Shpresat për ta gjetur të gjallë sa vinin dhe po zvogëloheshin por familja e saj insistonte që ajo ishte gjallë.

Një grup kërkimi vazhdoi punën për gjetjen e 35-vjeçares për ditë me rradhë, derisa ajo u gjet e gjallë pranë shtratit të një lumi rreth orës 17:00 me orën lokale.

Zyrtarët vendas thanë se Eller kishte mbijetuar duke fjetur në një shpellë, ndërsa kishte ngrënë fruta të egra dhe kishte pirë ujë nga lumenjt. 35-vjeçarja pësoi djegie nga dielli, dëmtime në këmbë, por gëzonte shëndet të mirë edhe pse jetoi 17 ditë në mes pyllit e vetme.