Atentat ndaj kryeministrit serb Vuçiç?

Pranë shtëpisë së kryeministrit të Serbisë Aleksandar Vuçiç është kapur një sasi armësh në një veturë të blinduar.

Siç lajmëron gazeta “Blic” e Beogradit, më makinë janë gjetur granata, mitraloz dhe municione, transmeton KosovaPress.

Vetura ishte parkuar në pyll në Jajincima, 50 metra larg rrugës që të çon në shtëpinë e familjes së kryeministrit serb, ku ai qëndron shpesh.

Prokuroria ka urdhëruar hetim të hollësishëm, për të analizuar ADN-në e kampionëve të marrë nga provat e gjetura në veturë dhe në armë.

Ende nuk është dhënë asnjë shpjegim për motivin e vendosjes së armëve në atë vend, ndërsa është urdhëruar për rritje të sigurisë në një pikë të lartë.

Vite më parë në Serbi është vrarë kryeministri i këtij vendi Zoran Gjingjiç dhe përgjegjës për vrasjen e tij konsiderohen njësia “Beretat e kuqe”, njësit që është përgjegjës për kryerjen e shumë krimeve në Kosovë dhe Bosnje