Boris Johnson do të dalë para gjykatës për shpifje

Boris Johnson do të dalë para gjykatës pasi akuzohet për deklarata të rreme në lidhje me kostot e Mbretërisë së Bashkuar në BE gjatë fushatës së Brexit.

Kandidati që shihet si favoriti kryesor për të zëvendësuar Theresa May-n akuzohet për ‘sjellje të keqe’ gjatë shërbimit në post publik pasi bëri deklarata se Mbretëria e Bashkuar paguan 350 paund në javë për Bashkimin Europian.

Kjo çështje është çuar në prokurori nga Marcus Ball, i cili deklaroi se informacioni i pasaktë që ka transmetuar Johnson ka ndikuar votuesit gjatë referendumit të Brexit.

Përfaqësuesit e Johnson e kanë quajtur këtë çështje, një goditje që po i bëhet klientit të tyre për arsye politike.

Megjithatë këto akuza ndaj tij nuk mund të vinin në një kohë më të keqe, pasi kjo do të përdoret nga kundërshtarët e tij gjatë fushatës.

Dëgjesa e parë për këtë çështje do të bëhet në Gjykatën e Magjistratëve në Westminister dhe pastaj çështja do ti kalojë Gjykatës së Kurorës.