Dokumenti/ Putin shkaku i përplasjeve mes shqiptarëve dhe maqedonasve

Në një analizë të gazetës kroate “Jutarnji List” thuhet se është pikërisht ndikimi i madh që ka Rusia ajo që shkakton destabilitetin e Maqedonisë. Duke theksuar se pas Gruevskit qendron Putin, gazeta ndalet edhe në problemin me çështjen e emrit që ka Maqedonia.

“Ky shtet që edhe më tej është pa emër për shkak të kontestit me Greqinë, praktikisht tanimë disa muaj nuk po funksionon”,- thuhet në shkrim

“Zgjedhjet e parakohshme do të mbahen më 11 dhjetor, mirëpo çështja është se ato a do të sjellin zgjidhje”, theksohet më tej në analizë.

Më tej thuhet se Maqedonia përballet me ndarje dhe qëndrime kontradiktore të opsioneve maqedonase dhe atyre shqiptare.

“Edhe këtu Rusia mund të ketë rolin e saj kryesor, pasi që është e njohur se ajo përkrahë ‘kryeministrin teknik’ Nikolla Gruevski dhe presidentin Gjorgje Ivanov, të cilët me vendimin për amnistimin për aferën e përgjimeve kanë nxitur krizë në Maqedoni. Nga ana tjetër, Brukseli qëndron në anën e udhëheqësit opozitar Zoran Zaev”, nënvizon analiza e gazetës së mirënjohur kroate.