Donte t’i bënte përshtypje një vajze, pronari i lokalit vret veten duke luajtur “Ruletën ruse”

Pronari i një lokali në Francë u vetëvra aksidentalisht mbrëmjen e djeshme duke luajtur “Ruletën Ruse”.

Ditën e sotme, burime afër venngjarjes raportuan për hetuesit se ai donte që t’i bënte përshtypje një vajze në klub.

Sipas medias Le point, ai vendosi në kokë një revolver të tipit Magnum 357 dhe e shkrepi, ku me tentativën e parë ai qëlloi veten.

Dëshmitarë okularë shprehen se pronari i lokalit kishte konsumuar alkool dhe kokainë.

Policia vijon ende hetimet për zbardhjen e plotë të ngjarjes.