Ekonomia e Eurozonës, në “errësirë” – Përkeqësohet treguesi i ndjesisë ekonomike

Perspektiva për Eurozonën ka qëndruar e zymtë, ndërkohë që ndjesia ekonomike ka prekur nivelin më të ulët në më shumë se 3 vite.  Treguesi i ndjesisë ekonomike i Komisionit Europian ra, ndërkohë që në industri po shqetëson prodhimi dhe porositë dhe sektori i shërbimit po ndikohet nga rënia e kërkesës. Në Francë, rritja ekonomike u ngadalësua prej shpenzimeve konsumatore, pavarësisht reduktimeve tatimore të presidentit Emmanuel Macron.   Të dhënat kanë shtuar vështirësitë për politikëbërësit që po luftojnë  në shumë drejtime.

Presidenti i Bankës Qendrore Europiane, Mario Draghi, që pritet të lehtësojë përsëri politikat monetare në Shtator,  ka paralajmëruar se perspektiva po bëhet gjithnjë e më e keqe.  Treguesi i klimës së biznesit i Komisionit Europian ra papritmas në Korrik,  duke prekur nivelin më të ulët në 6 vite.   Treguesi i ndjesisë ekonomike dhe të dhënat për ekonominë franceze mund të jenë vetëm fillimi i një jave negative.  Eurostat pritet të publikojë një ngadalësim të ekonomisë së Eurozonës në 0.2% dhe ekonomia gjermane me shumë mundësi është tkurrur, sipas Bundesbank.