Instituti Italian i Shëndetësisë: Nga gripi i zakonshëm vdesin 8-12 mijë persona në vit

Instituti Italian i Shëndetësisë u është përgjigjur sot zyrtarisht komenteve në media lidhur me vdekshmërinë nga viruset e zakonshme gripale.

Sipas IIS në Itali, nga gripet sezonale në një vit llogaritet se humbasin jetën 8 deri në 12 mijë persona.

Antonino Bella, drejtor i Departamentit të Sëmundjeve Infektive në IIS thotë se të dhëna reale nuk mund të ketë, pasi në moshat e treta pasojat e gripit ndikojnë në sëmundjet e zemrës, mushkrive, etj. Për pasojë, këto vdekje nuk klasifikohen si nga gripi dhe nuk bëhen analiza për viruset.