Kryebashkiaku tërhiqet zvarrë, nuk plotësoi premtimet e fushatës (FOTO)

Një grup fermerësh të zemëruar në jug të Meksikës kanë kapur kryebashkiakun e fshatit të tyre dhe pasi e kanë lidhur pas një kamioni e kanë tërhequr nëpër rrugë me pretendimin se nuk ka realizuar premtimet e fushtës elektorale. Më pas policia arriti të lironte zyrtarin Jorge Luis Escandón Hernández, kryetar lokal i Las Margaritas në shtetin e Chiapas, i cili nuk pësoi plagë serioze nga aventura e dhunshme. Mediat vendase thonin se ai ishte marrë peng nga një grup protestuesish të armatosur me gurë e shkopinj para se ta tërhiqnin nëpër rrugë.