Luftë mes Rusisë dhe Evropës? Ja çfarë thotë Vladimir Putin,

Presidenti rus, Vladimir Putin i ka quajtur budallallëqe lajmet e përhapura se Rusia ka ndërmend të sulmojë Evropën. Gjatë një interviste në ‘Valdai’ ai u shpreh se Rusia vlerëson pavarësinë dhe identitetin e vet.

Ai ka insistuar se Rusia nuk synon ta dominojë botën apo të konfrontohet me ndonjë vend tjetër.

“Ne nuk duam dominim botëror, apo zgjerim apo konfrontim me ndonjë vend tjetër,” ka thënë Putin.

Sipas RT-së, Putin ka lënë të kuptohet se disa vende të Perëndimit janë duke përdorur një kërcënim të perceptuar për sulm nga Rusia, në mënyrë që t’i largojnë njerëzit e vet nga problemet e brendshme.-Syri.net