Masakra në shkollën ruse, autori 19-vjeçar: Jam Zoti, i urrej të gjithë (VIDEO)

Detaje të reja kanë dalë nga masakra në shkollën e Kazanit në Rusi, ku mbetën të vrarë 7 nxënës dhe 1 mësues, si dhe u plagosën 16 persona të tjerë. Autori i ngjarjes është identifikuar si 19-vjeçari Ilnaz Galyaviev, një ish-nxënës i shkollës ku kreu sulmin.

Galyaviev shfaqet në disa video sigurie përgjatë rrugës për në shkollë duke ecur qetësisht, me armën automatike në dorë, me të cilën bëri masakrën.

19-vjeçari u arrestua nga policia ruse dhe në momentet e para iu tha efektivëve se ishte “Zoti” dhe se “i urrente të gjithë”. Pas verifikimeve rezultoi se Galyaviev kishte leje për armën e tij.

Bilanci i viktimave pritet të rritet dhe më tej, pasi shumë nga të plagosurit janë në gjendje të rëndë shëndetësore.