Një ilaç anti-depresiv që lufton Covid-19? Publikohet studimi që tregon se…

Përveç vaksinave, nga ana tjetër mjekët po testojnë një ilaç anti-depresiv të njohur për të mbrojtur pacientët për të mos u prekur nga Covid-19. Studiuesit e Universitetit Washington, mësohet se do të rekrutojnë 1100 persona për fazat e para të testimit të ilaçit fluvoxamine, i njohur ndryshe si Luvox.

Një ilaç anti-depresiv duket si një kandidat tepër i vështirë për të luftuar Covid-19, pasi një studim i vogël që u zhvillua në nëntor të 2020 tregoi se mund të kenë sukses. Prej vitesh, anti-depresivët modernë njihen për vetitë anti inflamatore. Inflamacioni luan një rol kryesor në Covid-19, duke rezultuar në komplikime serioze si mpiksja e gjakut dhe fryrja e gishtave të këmbëve.

Në një kohë kur mijëra njerëz po vdesin nga Covid-19 çdo ditë, një ilaç do të ishte zgjidhja ideale ndërsa vijon prodhimi dhe shpërndarja e vaksinave. Studiuesit po dërgojnë ilaçet në shtëpitë e pacientëve në të gjithë vendin dhe do ti monitorojnë për të parë efektin që kanë në shëndetin e tyre. Eric Lenze, një prej drejtuesve të studimit tha se gjithçka ka shkuar mirë deri më tani.