Pezullimi i AstraZeneca-s/ Komisionerja e Shëndetit në BE: Përdorni të gjitha dozat e vaksinave

Komisionerja e Bashkimit Evropian për Shëndetin, Stella Kyriakides i kërkoi këtë të martë, vendeve të përdorin të gjitha dozat e tyre të vaksinë. Kjo kërkesë ka ardhur në një kohë ku dhjetra shtete anëtare të BE pezulluan përdorimin e vaksinës AstraZeneca.

“Përhapja e vaksinimit është më shumë se kurrë e rëndësishme për të ulur numrin e njerëzve të infektuar,” tha Komisionerja Evropiane Stella Kyriakides.

Ajo pohoi për tensionet midis AstraZeneca dhe BE për dështimin e kompanisë farmaceutike për të dhënë aq shumë doza sa ishte kontraktuar, por tha se vendet duhet të shtyjnë përpara keqkuptimet dhe të vazhdojnë vaksinimet.

“Ne i njohim sfidat domethënëse dhe të pendueshme rreth prodhimit dhe dërgesave, por sidoqoftë ne i nxisim vendet anëtare të përdorin të gjitha dozat në dispozicion pasi aktualisht po shohim që proporcionet e dozave të disponueshme të përdorura variojnë nga 50 në 100% në të gjithë vendet anëtare,”  tha ajo.

“Çdo dozë llogaritet dhe çdo dozë po siguron një mburojë për punonjësit shëndetësorë, për grupet më të rrezikuara, për të moshuarit.”

Të paktën 15 BE dhe vende të Evropës kanë pezulluar përdorimin e vaksinës AstraZeneca për shkak të frikës në lidhje me mpiksjen e gjakut.

Agjencia Evropiane e Barnave ka thënë vazhdimisht se përfitimet e vaksinës tejkalojnë rreziqet megjithatë po kryen një rishikim emergjent të të dhënave dhe pritet të raportojë të Enjten.

BE dhe vendet e tjera kanë gati 8 milion doza të papërdorura të vaksinës AstraZeneca, treguan të hënën të dhënat e Qendrës Evropiane për Kontrollin dhe Parandalimin e Sëmundjeve.