Prokuroria e Francës: Bashkëpiloti mund ta ketë rrëzuar qëllimisht avionin e ”Germanwings”

Bashkëpiloti i avionit tip ”Airbus A320” i kompanisë gjermane të fluturimeve ”Germanwings”, i cili ndodhej i vetëm në drejtim të aeroplanit, ka shumë të ngjarë të ketë dashur të shkatërrojë avionin, njoftoi sot prokurori i ngarkuar me hetimin, Brice Robin.

“Pas daljes nga kabina të komandantit, bashkëpiloti ka qenë i vetëm në drejtimin e avionit dhe në mënyrë të vullnetshme ai manipuloi butonat që vënë në veprim uljen e avionit”, tha Robin në një konferencë shtypi.

“Veprimi i bashkëpilotit me kombësi gjermane, i paklasifikuar si terrorist i dyshuar, mund të shiihet si dëshirë për të shkatërruar avionin”, saktësoi Robin.