Rama iku në SHBA, por Pfizer arrin në Serbi

Ndryshe nga Shqipëria, ku kryeministri Edi Rama shkoi gjerë në Amerikë për vaksinën kundër Covid-19, vaksina e zhvilluar nga Pfizer dhe Biontech ka mbërritur në Serbi. Autoritetet shëndetësore e konsideruan një ditë të shkëlqyer për vendin, teksa magazinuan rreth 5 mijë dozat e para. Serbia bëhet kështu vendi i parë i Ballkanit që siguron një vaksinë ndaj koronavirusit.

Sekretari shtetëror në Ministrinë e Shëndetësisë, Mirsad Djerlek, tha se fushata fillestare e imunizimit do të nisë nga java e ardhshme. Ai shtoi se nga janari, Serbia pret dhe 24 mijë doza të tjera. Javën e kaluar rregullatori mjekësor serb aprovoi vaksinën e zhvilluar nga Pfizer dhe Biontech.

Zyrtarët e Beogradit thanë se janë ne negociata edhe me shkencëtarët e Rusisë për të importuar vaksinën e tyre të quajtur “Sputnik V” si dhe mekompani kineze, por nuk dhanë shumë detaje. Qeveria serbe nuk bëri me dije çmimin që kishte paguar për blerjen e vaksinës nga Pfizer. Serbi numëron që prej fillimit të pandemisë mbi 300 mijë të infektuar dhe mbi 2700 viktima.