Rritet numri i të infektuarve dhe viktimave në Itali

Vazhdon të jetë e paqëndrueshme kurba e pandemisë në Itali. Në 24 orët e fundit janë shënuar 659 viktima e 11.224 të infektuar më shumë. Aktualisht janë 568.728 persona të infektuar aktivë e -6.493 më pak se një ditë më parë.

Dita e sotme ka regjistruar +17.044 të shëruar e janë 1.425.730 persona të infektuar në Itali që deri më sot kanë fituar betejën me virusin.

542.517 të infektuar po kurohen në kushte të izolimit shtëpiak, 23.662 janë të shtruar në repartet spitalore Covid e 2.549 janë në kurim në terapi intensive. Në 24 orët e fundit janë kryer 128.740 tamponë. Pandemia Covid 19 ka shkaktuar në Itali 73.029 viktima.