Stoltenberg: NATO nuk do një tjetër Luftë të Ftohtë ndaj Rusisë

NATO nuk po kërkon konfrontim me Rusinë dhe nuk dëshiron një Luftë tjetër të Ftohtë, thotë Sekretari i Përgjithshëm Jens Stoltenberg.

Dërgimi i planifikuar i 4000 trupave shtesë në Europën Lindore ka për qëllim parandalimin, dhe jo provokimin e konfliktit, tha ai.

Pavarësisht tensioneve të tanishme, aleanca ushtarake nuk e sheh Rusinë si një kërcënim, shtoi ai.

Marrëdhëniet mes perëndimit dhe Rusisë janë në pikën e tyre më të ulët që prej Luftës së Ftohtë.

SHBA-ja dhe BE-ja kanë vendosur sanksione ndaj Rusisë pas aneksimit të gadishullit të Krimesë së Ukrainës në vitin 2014.

Lufta në Siri ka qenë gjithashtu një pikë e nxehtë tensionesh, me fuqitë perëndimore që akuzojnë Rusinë për krime lufte në bombardimet e saj të zonave të opozitën në mbështetje të qeverisë siriane.